|
ამინდმა ენერგომატარებლები დააზიანა |
|
|
|
დასავლეთ საქართველოში გაუარესებული მეტეოროლოგიური პირობებისა და მოსული თოვლის გამო სს «ენერგო-პრო ჯორჯიას» დასავლეთ საქართველოს ცენტრალური ფილიალის ტერიტორიაზე ელექტროქსელში მომხდარი ავარიების შედეგად, 10 საათის მონაცემებით, უძაბვოდ დარჩენილია დაახლოებით 31 000 აბონენტი.
უამინდობის შედეგად დაზიანებულია 35 კილოვოლტიანი გადამცემი ხაზი «ვარციხე», რის გამოც ელექტროენერგიის მიწოდება შეწყვეტილი აქვს ვანის მომსახურების ცენტრის 9855 აბონენტს. ფილიალის ტერიტორიაზე ავარიულად გამორთულია 27 ფიდერი (უძაბვოდაა 19853 აბონენტი) და 10 სატრანსფორმატორო პუნქტი (402 აბონენტი). უამინდობის გამო განსაკუთრებით დაზარალდა ვანის, ბაღდათისა და ზესტაფონის მომსახურების ცენტრები.
დაზიანებულ ქსელში აღდგენითი სამუშაოები უკვე დაწყებულია. დღის ბოლომდე უძაბვოდ დარჩენილი აბონენტების უმრავლესობა ელექტროენერგიას კვლავ მიიღებს.
"ენერგო-პრო ჯორჯია"
პრესცენტრი
|