Infokutaisi.com | v.2

ამის შესახებ რუსეთის პრემიერ-მინისტრმა ვლადიმერ პუტინმა მთავრობის პრეზიდიუმის სხდომაზე განაცხადა. პუტინის შეფასებით, "მემორიალის აღება ყოფილი სსრკ-ის ხალხების საერთო წარსულის წაშლის მცდელობაა". "შესაძლებლად მიმაჩნია ამ მემორიალის აღდგენა ჩვენი ოდესღაც ერთიანი სახელმწიფოს დედაქალაქში – მოსკოვში", - განაცხადა რუსეთის პრემიერმა. შეგახსენებთ, რომ ქუთაისში "დიდების მემორიალი" 19 დეკემბერს ააფეთქეს. ძეგლის დემონტაჟს ორი ადამიანის სიცოცხლე შეეწირა

ქუთაისში აფეთქებული "დიდების მემორიალის" ასლის მოსკოვში შექმნას "რუსეთში ქართველთა კავშირი" უხელმძღვანელებს

ქუთაისში აფეთქებული "დიდების მემორიალის" ასლის მოსკოვში შექმნას "რუსეთში ქართველთა კავშირი" უხელმძღვანელებს. ქართველთა კავშირის პრეზიდენტის მიხეილ ხუბუტიას განცხადებით, "ამჟამად ძეგლის ასლის განთავსების ადგილის შერჩევის საკითხი წყდება". "მეორე მსოფლიო ომში ბევრი ქართველი სამხედრო დაიღუპა, ამიტომ ჩვენ ისტორიის გადაკეთებასა და მემორიალის განადგურებას ვერ დავუშვებთ. ამჟამად ჩვენ ვმსჯელობთ იმაზე, სად განთავსდეს ახალი ძეგლი: მოსკოვში, თუ მოსკოვის გარეუბანში", - განაცხადა ხუბუტიამ, რომლის ინფორმაციით, ამჟამად რუსეთში საქართველოს 1,5 მლნ-ზე მეტი მოქალაქე ცხოვრობს.მისივე თქმით, ქართველთა კავშირი მოლაპარაკებებს აწარმოებს მერაბ ბერძენიშვილთან, რომელიც ქუთაისში აფეთქებული ძეგლის ავტორია. "ბერძენიშვილი თანახმაა და როგორც კი ადგილი შეირჩევა, ახალი მემორიალი შეიქმნება", - დასძინა ხუბუტიამ. შეგახსენებთ, რომ ქუთაისში "დიდების მემორიალი" 19 დეკემბერს ააფეთქეს. ძეგლის დემონტაჟს ორი ადამიანის სიცოცხლე შეეწირა.